RUMANA cmplt

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 1

Zaune yake cikin d'aki ya zabga tagumi hawaye kawai ke ziraro mishi daga cikin idanunsa, 'lallai bawa ba abakin komai yake ba wajan ubangijin mu, yanzu nan Haidar d'in shine a amatsayin mahaukaci mai hauka tuburan, Innalillahi wa'inna ilaihirraji'un, wannan wace irin k'addarace wadda ta tsalleke duk shekarun da aka baro baya sai yanzu da Haidar ya zama cikakken mutun saurayi mai hankali, lokacin da yake murna kwai d'ayan da Allah ya bashi ya rayu zai amfana da shi makusantansa da masoyan sama na taya shi murna da samun shi, sai kuma kawai a wayi gari da wannan babbar lalurar? Mai yai zafi haka? menene silar faruwar wannan lalurar? waima waye zai bashi amsar wannan tambayoyin da suke cikin ransa?

Dr.Bashir dake zaune gefen Haidar d'inne yai gyaran murya kamin yace.

"Alhaji wannan kukan da kake yi fa ba mafita bane kuma ba zai zama mafitaba, wannan yaron addu'a yake buk'ata tare da taimako amma gaskiya lamarin akwai daure kai musamman da Dr. is'hak kemin bayanin irin lalurar tashi, amma dan Allah kabar kukan nan da girmanka da komai.''

Cikin yanayi na tsantsar damuwa yace.

"Dr. barni kawai nayi kukana ko Allah zaisa na samu saukin zafin da zuciya ta keyi min rad'ad'i, ina cikin matsanancin tashin hankali Dr wannan yaron shi kad'ai Allah ya bani, na kwallafa raina akan shi gaba d'aya burina na duniya akan shi yake amma kalli yanda ya koma lokaci guda, Ina cikin wani hali Dr ban tab'a tunanin dukiya zatai rashin amfani ba wataran sai a yanzu, ashe dama akwai ranar da kud'in mutun basu amfanar dashi ba akan buk'atar sa?'' Dr.bashir yace.

"Bawai naki ta taka bane alhaji amma dai ya kamata ka duba damuwartaka bata da wani amfani cikin lamarin nan, addu'arka kawai Haidar yake buk'ata.''

''Dr. Kallifa abokan shi sunata aikin su harda wad'anda suka dawo Nigeria tare amma shi yana kwance ba zai amfanin kanshi ba balle ya amfani wani, gashi na rasa wanda zai kularmin dashi tsakani da Allah.'' Dr. Bashir ya mike tsaye tare d cewa.

''Alhaji zo muje waje na baka wata 'yar shawara.''

Gyarama Haidar d'in lullubin da aka yi masa da bargo yayi kamin ya manna mishi wani zazzafan sumbata akunci sannan yabi bayan Dr d'in yana mai addu'ar Allah yasa shawarar mai bullewa ce. Sai da yasha lemon da aka kawo mishi sannan ya kalli alhajin yace dashi.

''Alhaji ina mahaifiyar yaron nan take?'' Wani yawu alhajin ya had'iye kamin yace.

"Dr bansan inda take ba, amma tabbas nida kaina na koreta kuma wallahi babu abinda tayi min.''

''Innalillahi Alhaji lafiyarka kuwa? uwar d'an naka zaka kora ka zauna da matan da sai dai kawai suyi ta b'annatar maka da dukiya? Haba alhaji dan Allah, toh gaskiya bari na tashi domin shawarar da zan baka baza tai aiki ba tunda mahaifiyarshi bata gidanka.''

Hannuwanshi yasa ya rufe fuskarshi yana nanata kalmar innalillahi musamman daya tuno ranar da abun ya faru. Wata biyu da fara lalurar Haidar d'in ya tashi da wani irin mummunan kunci daya addabi zuciyar shi, kai tsaye d'akin yaron shi ya nufa nan ya tarar da ita zaune gaban shi tana bashi abinci tana hawaye sabida ganin yanda yake cin rabi yana watsar da rabin tana ta tunanin 'wai Haidar d'inta mai cike da tsafta yau shine a haka.

Ko sallama beyi ba ya shiga tare da fincike Haidar din daga jikinta yana huci yake cewa.

''Ke dallah tashi kibani waje.'' Shine abinda ya fito daga bakin shi. Da mamaki take kallonshi domin tun da take dashi ko kallon banza bai tab'a yi mata ba balle ai maganar tsawa.

Mikewa tayi tsaye kafin tace dashi. ''Abban Haidar lafiya kuwa?''

Yarfa mata wani mari yayi kafin yace da ita. ''Ban sani ba, maza ki kwashe kayanki kibar min gida na kafin na wulakantaki wallahi.''

Idanunta waje take kallonshi amma tsabar tashin hankali tama kasa magana sabida fargaba yau ita alhaji ke mari kamar wata 'yarsa.

"Zaki tashi kosaina tattakaki anan wajan?'' Abun yanzu ya daina bata mamaki sai dai tsoro, Muryarta na rawa tace.

''Naji zan fita daga rayuwarka gaba d'aya ba gidan kaba ma, amman dan girman Allah ka barni da yarona kaga dai halin da yake ciki babu kuma wanda zai kulamin dashi kamar yadda zai samu agareni, dan Allah kaimin wannan alfarmar kaji Alhaji.''

Alokacin kallon banza ya bita dashi kafin yace mata.

''Wallahi koda mutuwa nayi yaro na ba zai koma hannunki ba ballenta ina raye.''

Sautin kukanta ya dinga ji akunnuwan shi kamar alokacin ne take yi masa kukan. Hawayen idanunshi ya share kamin yace a fili.

''Allah ka kawo min mafita.''

Yana cikin wannan halin yana tufka da warwara saiga matarshi ta shigo, Hajiya bilkisu,Idanunshi ya lumshe bayan yai mata kallo guda.

"Alhaji barka da wannan lokacin?''

"Yauwa sannunki da gida.'' Cikin yanayi na kwarkwasa da iyayi tace dashi.

"Alhaji dama cewa nayi ko Haidar yaci abincinsa kuwa?'' Kallonta yayi kamar yana son gano wani abu a fuskarta sannan yace.

"Na bashi tun d'azu harma Dr. yai mishi allurar shi yayi bacci, amma wallahi hajiya kun bani mamaki matuja wallahi, ace wai idan bana gida a cikin ku babu wacce zata iya kula da gudan jinina ko? amma idan anyi magana kuce wai kuna sona ta yaya zan yadda bayan kun bar gudan jinina babu kulawarku? ai shikenan na gode lalurace dai kuma Allah zai iya jarabtar kowa.'' Harara ta bishi da ita bayan ya wuce tana cewa.

''Allah ya kyauta naba wannan katon saurayin abinci a baki balle ai maganar wankin kazantar shi, Allah ya tsare ni dama ka samu nake ta yi maka addu'a Allah yasa ya mutu kowa yama ya huta.'' Fuuu ta tashi tabar falon ta nufi b'angaren ta tana ta faman sababi a cikin zuciyar ta.

Gefen Haidar d'in ya rab'a ya kwanta har lokacin tunani nukurkusar zuciyar shi yake yi wanda har wani zafi-zafi yakeji daga cikin zuciyar shi ya rasa wane kalar ciwo ne wannan da duk wata k'asa da take takama da manyan asibitoci da likitoci ya kai shi amma a banza babu wani cigaba da aka tab'a samu ballantana ace ai an gano abinda yake damunsa ko kuma ace da sauki.

Zubawa fuskar Haidar d'in ido yayi yana kallon yanda yake ta baccin shi haka kamar mai lafiya amma yana tashi shikenan kuma wannan nutsuwar duk zata kama gabanta.

Wani tuna nine ya fad'o mishi, nan da nan ya mike addu'a ya tofawa Haidar d'in sannan yabar gidan bayan ya kuma duba d'akin ya tabbatar da cewa babu wani abu da zai iya zama makami a gareshi.

Kai tsaye wajan wani abokin shi ya wuce dake can wata unguwar daban, ya koyi sa'a domin yana zuwa ya ganshi ya fito da mota da alama shima fita zai yi. Da dariya ya fito daga cikin motar yana yi tare da cewa.

"Abban Haidar baka kirani ba sai dai kawai na ganka? da ka tarar da bana nan ai da kaji babu dad'i.''

Kai tsaye cikin falon mutumin suka wuce, hira suke yi sosai cike da kaunar juna daga gani abokai ne na gaske. Sai da ya huta kafin yace.

"Wato alhaji aminu akan maganar Haidar ce na dawo gareka domin tabbas na fara lura da abinda kake gaya min game da matana, tabbas sud'in ba masu kaunata bane, toh amma kasan hidima irin wannan tunda har ba kama su nayi dumu-dumu ba bazai yiwu na titsayesuba da zargin.''

"Haka ne alhaji Yusuf shi yasa ai tun farko nace maka kafara bincike tukunna, domin ni wallahi ban yarda dasu ba gaba d'aya dan son duniya ya gama rufe musu ido, nasan zasu iya aikata komai, toh amma yanzu me kake tunanin yi?''

"To nidai a tunanin da nayi cewa nayi inda zan sami wanda zai kular min dashi tsakani da Allah to hankalina zaifi kwanciya tunda kaga yanayin kasuwancina bana zama bane yau bana wannan kasar gobe bana waccan kaga sai hankalina ya tsaya waje d'aya amma wallahi dana tafi hankalina rabuwa biyu yake yi shi yasa kaga bana iya jimawa yanzu duk inda naje zan kokarta na dawo da wuri.''

"Eh wannan gaskiya ne, toh amma alhaji aikin ne da wahala wallahi shi yasa duk wanda aka nema sai ya zille musamman daya kasance yana duka wani lokacin, toh da nayi tunanin ko aure zai zama maslaha agare shi musamman danaji kace kana ganin yanayin tashin sha'awarshi wani lokacin to inda matsalar take matar da zata aure shi din...!''

Duk shiru sukai na wani lokaci kowa da tunanin da yake sak'awa cikin ranshi, kafin alhaji Aminun ya kuma gyara zama yana cewa.

"Amma ka koma gidan su Fatima kuwa?''

"Eh wallahi na koma amma babu wani bayani wai tama koma wajan kanin mahaifinta dake zaune a kasar India harta koma makaranta.''

"kai Abu beyi kyauba wallahi kaga inda tana nan ai da duk ba'a yi wannan doguwar wahalar ba, toh amman duk da haka zancigita kaima saika cigita, ammafa namiji za'a samu ba mace ba kamin Allah yasa asamu wadda zata aureshin a haka.''

"Toh shikenan insha Allahu nima zan cigita bari na koma kafin ya tashi daga bacci ya hargitsa d'akin nasa.''

Har ya koma gidan bacci Haidar yake yi, lokacin har anyi sallar magriba yaje yayi shima, sai da ya sai mishi fura mai kyau da dad'i a hanyarsa da dawowa sannan ya shiga d'akinshi. Ido ya zuba mishi ganin yanda yake ta mutsu-mutsu amma yaki bud'e idanunshi, dafashi yayi yana cewa.

"Haidar...! Kai haidar..!!'' D'agoshi yayi yana kallon fuskarshi kafin yace.

''Yanzu haka fitsari zaka yi kaketa wannan mutsu-mutsun...,Yauwa ai dama na sani.''

Maganar shi ya yanke lokacin da yaga fitsari na biyo kafar wandon Haidar d'in dake kwance. Wasu irin hawaye ne yaji sun zubo mishi kamin kuka me sauti ya biyo baya yana furta.

''Innalillahi wayyo Allah ka kawo min d'auki.''

Sai da ya gyara mishi jikinshi sannan ya bashi furar yasha ya koshi, sannan ya bashi magungunan shi wanda kusan duk na bacci yafi yawa a ciki sabida yanayin ciwon nashi hankali yafi kwanciya idan bacci yake yi.

Fuskarshi yake kallo duk tayi gashi sam baya yadda a aske mishi shi yasa duk sai yai wani irin duguzun dashi sai dai farar fatar shi tana nan yanda take saima k'ara sheki da take yi sabida zama waje d'aya.

Bugun da yaji afuskar shi ne ya katse mishi tunanin da yake yi, ya maida kallonshi akan Haidar d'in yana zaune yana kallonshi shima yana dariya irin dai ta marasa hankalin nan. Gorar da ya gama shan furar ce ya kwalama uban ganin ya zuba mishi ido amma yai nisan kiwo a wajan tunani. Jawoshi yayi jikinshi ya rungume yana shafar bayan Haidar d'in zuciyar shi fal addu'ar Allah ya bawa yaron shi lafiya.

Ranar a nan cikin d'akin ya kwana wanda sai da Haidar d'in ya gama hargitsa ko'ina kamin maganin da ya sha ya fara yi masa aiki lokacin shima Abban shi ya samu ya runtsa.

*****

Tafe nake ina nanata haddar karatuna wanda ya kasance shine abokin hirata a koda yaushe, ban damu da ruwan da yaima jikina sharkaf ba balle na damu da mutanen dake kallona musamman matasa, basu gabana haka zalika bawai ta tasu nake yiba Kawata dije na had'u da ita a dai-dai kwanar gidan mu tana cewa.

"Kai Rumana duk kin jike karfa mura ta sargafeki kin dai san batai miki da sauki ko?'' Dariya nayi kafin nace.

''Uuhum aini yanzu mun zama k'awaye da murar ma kina ganin yanzu wankan asuba inna kesawa inyi kullum duk safiyar duniya wai sai taji ina d'an tsami-tsaki.''

"Allah yagani inna bata kyautawa wallahi kenifa inda nice da tuni na koma garinmu wallahi, da gata da komai amma in like inda ba'a san daraja taba, kai ina wallahi bazan iya ba.'' Cewar dije. Kallonta nayi kamin nace.

''Lallaima Dije, kindai san bani da uwa bani da uba yanzu komawa nayi, kilama gara nan d'in da can tunda can d'inma da ai neman kai suka dinga yi dani, kedai kawai Allah ya kyauta amma wallahi kunji dad'i tunda kuna tare da iyayenku.'' Cikin tausayawa Dije tace.

"Haka ne Ruma to kema Allah ya saka miki ya kuma k'ara miki hakuri da juriya Insha Allah zakiga sakamako nan gaba.'' Da murmushi a fuskata nace.

''Amin dije na gode, wai ya maganar haddarki kingama kuwa?" Hab'a ta kama tana cewa.

''Tab inafa na tsaya wasa kedai na san kingama ai.''

Anan muka rabu kasancewar akwai gidaje hud'u tsakanin gidan mu da nasu. Wani mugun rankwashi ta bini dashi lokacin da na ajiye ruwan da alama shine sanun daya dace dani a wannan lokacin. Baba dake kwancewa kaza dabaibayi yace.

''Inalillahi mai tayi miki haka dan Allah?" Mtwsss taja dogon tsaki kafin tace.

''Yoo a ban zama zan sauke mata kenan? Ai kaima kasan bazai yiwu ba tunda na sauke mata ruwa dole na bata ladan ta.'' Kai ya girgiza kafin yace.

''Akwai Allah wallahi zaki mamakin ranar da zai kamaki akan zalintar yarinyar nan da kike yi.''

Nidai shigewa nayi d'akina ba tare da ko d'igon hawaye ya zabo min ba, duk da irin mugun zafin da naji kuwa, to yaushema zanyi kuka bayan inda sabo yaci ace na saba da duka da rankwashi....

*MAMAN KHADY*🙇🏻‍♀

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 2

Bayan kwanaki biyu da misalin karfe biyar na yammacin ranar alhamis Alhaji Aminu ya dira a kofar gidan abokin nashi zuciyarshi cike da d'okin kawo mishi wani albishir da yayi. Wayarshi yasaka ya kira alhaji Yusuf d'in tare da gaya mishi cewar gashinan a k'ofar gida yana jiransa.

Wata farar jallabiya ya saka sannan ya fito hannunshi rike da k'aramar wayarshi wacce ita ce yafi amfani da ita akan sauran wayoyinshi.

"Alhaji kacika matsala wallahi kashiga tunda kasan ina ciki shine sai ka wani toge a nan kace min gakanan waje, toh na ganka ai zo mu shiga daga ciki.'' Tare suka jera harda wani mutum wanda tare suka zo da alhaji Aminun.

"Yauwa dama zanda zai kula da Haidar ne kamin wani lokaci aka samu kaga namijine sannan kasan dole d'awainiyar Haidar sai dai namiji maiji da karfi, gashi nan sunansa Mudi d'an maigadin gidana ne ya amince zai kula da Haidar tsakanin shi da Allah amman fa na wani d'an lokaci domin yana zuwa nijar wajan mahaifiyarshi.'' Numfasawa Alhaji Yusuf d'in yayi kafin yace.

"Toh alhamdulillah nagode sosai Allah yabar zumunci tsakanin mu, amman kayi mishi bayanin halin da haidar d'in yake ciki ko?''

"Eh nai mishi ya kuma fahimta sai dai muyi mishi fatan Allah ya bashi juriya.''

"Eh hakan yayi toh muje in nuna masa d'akin nashi, aikin naka zai kasance bashi abinci ne da wanka sai gyara mishi jiki idan ya b'ata. Kuma zakai aikin ne idan bana nan amma idan ina nan to zan amsheka saika huta kaima, amman dan Allah karike min amana idan ka cutar da Haidar lallai Allah yana ganinka kuma da sannu zai saka mishi, ban yadda cikin matana wata ta kawo masa abu tace kabashi ba kaji ko?''

"Naji alhaji kuma insha Allahu zan kiyaye.'' Cewar Mudi.

"Toh alhamdulillahi duk karshen wata zan baka dubu d'ari ammafa idan naga yanda kake yin aikin naka idan yayi min.''

Wata sufa Mudi yayi a gaban alhajin tsabar jin dad'i da farin ciki, godiya yake yi kamar bakin shi zai yage. Tare suka shiga d'akin Haidar d'in yana rakabe can wajan labulen toilet ya takure kanshi kamar wani maraya, kanshi a k'asa yana ta faman murzar yatsunshi kamar wanda aka yiwa dole.

"Ah Abban Haidar wai dama yana nutsuwa irin haka?'' Cewar alhaji Aminu.

"Eh yana yi wani lokacin ko kuma kaji yana ta sambatu babu kai balle k'afafu, wani lokacin yaita kuka wani lokacin kuma yaita bige-bige amma idan yai wannan nutsuwar sai kaga inama ace haka lalurar take wallahi wani lokacin sai naga kamar ya warke ni bige-bigen da yake yine kawai bana so domin wani lokacin kana gani duk sai ya jiwa jikinshi ciwo.''

Mudi dake tsaye bayan su yana jin duk abinda suke cewa tuni ya shagala da kallon kayataccen d'akin wai wannan ne dakin mahaukaci lallai dukiya na inda take, amma shi aganin shi wannan lalura ai maganin gargajiya ya dace ai mishi bawai na asibiti ba. Nan dai sukabar Mudi suka fice.

****

BAYAN sati daya Mudi yana matukar k'ok'ari wajan ganin ya taimakawa Haidar domin har addu'a yake tofa mishi yana bashi yana sha ba tare da sanin alhajin ba, kuma sosai yake ganin cigaba amma wani idan abun ya tashi sai kaga kamar ya k'arasa haukacewa gaba d'aya.

Cikin d'akin Haidar babu wani abu me sunan makami domin hatta gado babu shi cikin d'akin sai dai k'atuwar katifa kayan sawarshi kuwa like suke a bango.

Sosai Mudi yake k'ok'ari wajan kula dashi, da kanshi yak emai wanka kuma ya gyarashi kai shi har gyaran fuska yake mishi da hammata da gabanshi idan yana bacci shi yasa nan da nan Haidar d'in ya kuma kyau sosai duk ya canza.

Satin alhaji Yusuf uku da tafiyar da yayi zuwa k'asar China, sosai yai farin ciki da yaga yanda yaron shi ya koma, sai dai aranar ya tadda Mudi da rauni agoshinsa wai wajan yima Haidar d'in wanka ne ya had'ashi da bango dan yaki bashi sabulu yaci.

Naira dubu d'ari cif ya bawa mudi tare da tsara ba na kayan sawa da sauran bukatu, ai kuwa sai da yaji kamar zai mishi sujjada tsabar godiya.

Da dare....

Mudi na kwance gefen Haidar bayan alhaji yai musu sallama ya tafi wajan iyalin shi jiyai Haidar d'in yana lalubarshi tare da sakin nunfarfashi kamar dai wanda yake cikin matsananciyar sha'awa.

Da mamaki Mudi ya kunna hasken d'akin ya kura mishi ido yana kallon juye-juyen da yake yi ga abun nashi ya wani cika gaban wandon shi. Wasu irin hawaye ne suka shiga zubowa Mudi tsabar tausayin da yaji yana neman rufe shi.

''Allah ya kawo maka sauki Haidar, Allah ya kawo maka iyakar wannan lalura da kake ciki, duk wanda yai maka wannan abun Allah ya maida mishi da aniyar shi inda lafiyarka lau ai da yanzu kana nan da iyalinka amma yanzu babu wacce zata yadda ta rabeka wallahi, Allah yabi maka hakkinka.'' Addu'a yai ta tofa mishi har saida yaji saukar numfashinsa alamar yai barci.

Da safe...

''Alhaji an tashi lafiya ya gajiyar tafiya?''

"Lafiya lau Mudi ya mai jikin ya kuka kwana?''

''Alhamdulillah alhaji, amma jiya dai gaskiya ya kwana babu dad'i domin inaganin sha'awarshi bata samu nak'asa ba dan ni dai naga jiya ta tashi kuma da kyar ya samu bacci.'' D'an murmurshi alhajin yayi yace.

''Eh hakane Mudi tana tashi wani lokacin to kaga babu yanda zanyi dashi musamman a halin da yake ciki yanzu babu wanda zai yadda ya bada d'iyar shi ta auri mai irin larurar Haidar, amma kwannan zanje gida can bakori insha Allah zan kuma cigitawa idan Allah yasa an samu saina aura mishi.''

"To to Allah ya zab'a masa ta gari kuma mafi alkhairi, shi kuma Allah ya bashi lafiya.''

*****

Asalin su Rumana, malam Habu shine mahaifin Rumana d'an garin maska ne ta jahar katsina kagabada, a nan aka haife shi kuma a nan ya taso yana sana'ar sai da itace matar shi subanta Habiba itace kuma mahaifiyar Rumana itama 'yar nan cikin garin ce tare take zaune da surukanta kasancewar sam malam habu bashi da ikon siyen gida balle ya saka matarshi a ciki.

Iyayen malam habu sam basa kaunar Habiba ba kuma dan komai ba sai dan mahaifinta ya kasance babban malami wai kadda su saki jiki ashanye musu yaro duk da cewa matsalar tafi yawa daga wajan ita mahaifiyar malam habu d'in. Daga baya ne sai ya dawo cikin garin funtuwa ya fara sai da kayan gwanjo kuma alhamdulillah sana'ar ya farata cikin nasara.

A lokacin da ya maido da Habiba funtuwa sai da akai d'an k'aramin yaki da mahaifiyarshi musamman daya kasance har lokacin ita Habiban bata haihu ba, tunda har an fara yi mata kiran ita juya ce bata haihuwa.

Malam habu irin mutanan nan ne masu tsananin hakuri da kauda kai haka itama matarshi Habiha sam basu da hayaniya. Allah ya basu haihuwar Rumana kusan lokacin da basu zata ba domin sai da cikin yai wata hud'u cikin na biyar sannan suka farga akai ta taya su murna sosai fiye da tunani kowa. Cikin iko na Allah suka raine shi Allah ya basu Rumana mahaifinta yasa mata sunan sabida yana kaunar sunan sosai Ummu Rumana sai dai tuni Rumana ya bita.

Tataso cikin kula sosai ta uwa data uba sannan kakanni domin idan sukaje maska kowa nan nan yakeyi da ita, Basu kuma samun haihuwaba kuma hakan be zama damuwa ba a gare su.

Akwai tarin ilmi mai yawa awajan Rumana kasan cewar makarantar kud'i ya sakata islamiyya da boko sabida ta samu ingantaccen ilmi, sannan yana ganin basu da yara da yawa balle dawainiyar su tai mishi yawa.

Sannan kullum dare mahaifiyarta takan d'ora mata karatun addini amatsayinta na d'iyar babban malami tare da addu'o'i musamman wad'anda suka danganci na neman tsari tare da karya lagon makiya.

Shekararta goma dai-dai, wani mummunan al'amarin ya faru domin wuta ce takama d'akin da iyayenta suke kwance har sai da ta cinye su tas! dalilin maganin sauro da aka kunna. Mutane suka cika gurin masu temako amma babu wani abu da yayi saura balle ataimaka musu kasancewar Rumana na tsakar gida. itama kuka take yi irin kukan nan mai tsananin azaba da tashin hankali.

Kowa yaji wannan mutuwa musamman wad'anda suka mu'amalanci malam Habu da matarshi Habiba, sannan kuma iyaye wad'anda suka kusa zaucewa sabida jin mutuwar.

Rikon Rumana sai ya koma hannun kakaninta na wajan uba dake nan madai, sun kula da ita da dad'i babu dad'i ana tare har Allah yasa tayi shekara uku a nan gurin su, daga baya sai yayar babanta wacce ke aure a bakori ta amshi rikonta sabida ita Allah bai tab'a bata haihuwa ba amma mijinta yana da yara har guda biyar duk mata kuma sunyi aure, ya tab'a auran wata matar sai dai daga baya ta rasu,.

Gwaggo Suwaiba irin matan nan ne masu tsananin ganin kyashin tsiya sam bata iya gani ta kauda kai ga uwa uba zalinci babu ruwanta amaimakon tunda ita bata haihu ba tasamu ta kula dani amatsayi na na d'iyar kaninta kuma uwa d'aya uba d'aya amma ina kullum wulak'ancin yau daban na gobe daban kai yanda ma malam d'in yake jin tausayina kuma yake kula dani saika d'aukama shine d'an uwan nawa bawai ita ba.

Inda Allah ya taimakeni sam bata hanani neman ilmi na ba kuma dai-dai bakin gwargwado tana min sutura sai dai akwaita da masifa da jaraba dan sam bata da hakuri.

Tun ina da shekara goma sha biyar nai saukar alkur'ani daga baya ne na fara hadda wadda alhamdulillah ina da sani sosai musamman ta b'angaren addini har larabci na iya sannan har yanzu duk karatun da Ummana tayi min yana nan akaina kuma kullum ina musu addu'a suma.

Malam sule shine mijin gwaggo Suwaiba amma ina ce mata inna sabida duk haka 'ya'yan malam d'in suke kiranta, sannan shi kuma malam d'in na kan kirashi da baba kamar yadda naji ana kiran shi.

Yana sona sosai yana kuladani sannan duk abinda ya shige min duhu yana k'ok'arin haska minshi domin shima yana da ilmi sosai kayan miya yake sai dawa a nan cikin kasuwar bakori.

Ayanzu inada shekara goma sha takwas da wata hudu, ni d'in bawai fara bace amma kuma baza akirani da bak'a ba ina da fata mai kyau sosai, fuskata doguwa ina da dogon hanci da idanu masu kyau kuma madai-daita wanda mutane da yawa sukan yaba su, bani da irin tsawon nan amma kuma ban kasance gajera ba, kirar jikina ta fita sosai alhamdulillah da baiwar da Allah yayi min, na gama secondary d'ina tun watanni uku da suka wuce sai dai har yanzu ban daina zuwa makarantar islamiyya ba kasan cewar ilmi zurfi ne dashi musamman na addini da kullum baka gajiya da neman sa.

Inna da kanta take korar duk wani wanda ya nuna yana sona sabida tsabar kwad'ayin ta tuni ta daina zuwa dani maska sabida ana mata fad'an taki barina nayi aure. Ita kuma tace duk masu sona basu yi mata ba sabida tsabar kwad'ayi irin nata.

Hidimar inna da duk wahalar da take bani sam ba ta cika damuna ba domin idan nai wani tunanin sai naga ai itama tana kuladani kuma dan ta isa dani ne shi yasa amma shi baba yana nuna sam baya so domin kusan kullum sai ya tuna mata da illar cutar da maraya.

Kubiyoni......

*MAMAN KHADY*🙇🏻‍♀

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 3

Ina kwance tunanin da nake yi wanda yai nisa naji saukar dundu a bayana, a zabure na mike ina neman kallabina ina cewa.

''Inna banji kina kirana ba wallahi.''

''Dallah kyaleni ina aiken da nayi miki gidan su Dije?'' Idanuna harsun kawo ruwa sabida tsoro baki na rawa nace.

''Wallahi mantawa nayi inna lokacin da naje bata nan sai dai su Dijen.''

"Amma shine dan Iskanci kikai min shiru bakije kin sanar min ba? Toh saiki tashi muje ki wanke kayan can kafin lokacin islamiyyar ku tayi kuma kice ke islamiyya zakije.''

Binta nayi da kallo kai inna ko ta maidani sai kace injin wanki kullum sai nayi wanki ko basu taru ba, koda yake ai nakoyi tsafta wajanta tursasawar ai.

Sai wajan uku na gama wankin a gaggauce nayi wanka tare da alwalar la'asar sannan na shige d'akina wanda babu komai sai wani k'aramin gadon bono da jakar kayana a gefe, ko kayan kwalliya na azo agani bani dasu koda yake koban yi kwalliyar bama akan yaba kyauna, dan kallo d'aya zai wadatar da kai akan cewa lallai ni d'in mai tarbiyya ce domin haka Allah ya halicceni kalar tafiya ta ma kawai mai matukar d'aukar hankali ce.

"Kai Ruma wai da wucewa zaki yi?'' Cewar Dije.

"Yo da jiranki zanyi ke da kullum saikin makara kike jin dad'i, shi yasa zan wuce na barki kawai.''

"Toh Allah ya kamaki wai ya maganar taron da makaranta ta shirya ne? Nifa tunda naji ance wad'anda suka gama hadda za'a yaye naji raina baya so dan idan an yayemu sai a kaimu gidan wa?'' Dariya nayi har kumatuna suka lob'a sannan nace mata.

''Ni wallahi matsalata dake garaje, yo ina kuwa zasu kaimu, amman dai ina tunanin zamu fara tallafawa sauran malaman ne kota b'angaren kula da yara ne tunda kinga ana ta samun dalibai amma ba malamai da yawa sannan kinga duk girman makarantar nan mune manya tunda mune na farkon wad'anda zasu yaye.''

"Eh haka ne na gane.''

Cewar Dije lokacin da muka shiga cikin makarantar. Kusan duk karin bayani akai mana akan abubuwan da zamu gabatar ranar asabar domin ranar ne za'a yi gagarumin taron da aka jima ana shiryawa.

"Ke Rumana kinsan cewa kece shugaban d'aliban makarantar nan, sannan karatunki yana fita ta yanda ake so sabida haka ki shirya duk wasu addu'a da za'a yi domin kece wacce zaki bud'e taro da addu'ar. Sannan zaki yi karatu kuma zaki mana fashin baki akan wasu hadisai wanda za'a aiko miki dasu gobe ko kuma yau ki wuce dasu gida dan ki sake dubawa."

Malam tijjani yai maganar idanunshi kur akaina wanda hakan ne ya tilasta min sunkuyar da kaina kasa.

Agajiye muka koma gida ga jikina yai wani irin mugun sanyi musamman da naji ana fad'in irin manyan mutanen da aka gayyata kuma wai nice mai bud'e taro na san ma kila jikina rawa zai tayi sabida farga ba.

Innan na samu da maganar duk yadda muka yi da malaman tayi farin ciki sosai a wannan lokacin sannan ta k'arasa maganar da fad'in.

''Allah yasa kafin a tashi kisami miji a wajan na nunawa sa'a, Kinga anjima da daddare aka ce aje a anso d'in kin ki, toh amma ki bari sai da safe ki amso sannan ki yanko yadin hijabin da zaki saka, takalmin kuma gashi can Allah ya bada sa'a, amma sai kin daure idan ba haka ba kunya da idanun mutane baza su barki kiyi abin kirki ba wallahi.''

Oh yau wace rana inna namin magana cikin sanyin rai bada tsawa ba....

*****

Bige-bigen da ake yi a cikin d'akin sai kai tunanin wasu mutane ne masu yawa cikinsa amma ina shi kadai ne cikin d'akin amma tuni ya can zama d'akin fasali sabida tashin ciwon shi. Mudi ne ya shigo da sauri yana nanata kalmar.

''Subhanillahi Haidar wannan lalura taka Allah yai mana maganinta.'' Alhajin ya fita nemowa a waya ya sanar dashi halin da ake ciki ya kira likita wanda dole sai da aka mishi allura sannan suka samu sa'ida.

Sai yamma lik'is sannan alhajin ya shigo garin kasan cewar dama yana garin abuja yaje gano wani kamfaninshi. Kai tsaye d'akin Haidar d'in ya shiga nan ya tarar dashi kwance yana bacci, yayin da Mudi ke zaune a gefenshi yana gyangyad'i.

Ganin kamar Haidar d'in ya rame a yau ya kuma tashin hankalinshi tare da hanashi nutsuwa ya fara tambayar Mudi.

"Kai Mudi.!'' Cewar alhajin yana taba kafad'ar Mudin.

"Na'am alhaji barka da sauka.''

"Yauwa wai cewa nayi ya naga Haidar ya fad'a ko akwai wata damuwa ne?''

"Babu damuwar komai alhaji amma jiya ciwon ya bigeshi sosai yauma hakan, dan kaga nan wannan kululun da yai min wallahi had'ani da bango yayi, ni sai naga kamar ma ciwon neman yin gaba yake yi.''

"To Allah ya kyauta daman ranar asabar zanje bakori insha Allah kome muka yi da yayana zan sanar maka ya gayyaceni wani taron yaye dalibai da zamu yi shawarar yanda za'ayi tunda dama nine naki yadda ayi mishi na gargajiya.''

"To shikenan alhaji hakan shine dai-dai gaskiya domin yaron nan yana cikin wani hali wallahi gashi yana da karfin sha'awa sosai, in ta taso mishi har hawaye nake yi sabida nasan babu dad'i gashi besan yanda zai yi ba.''

******

Ranar asabar kamar yadda aketa jira tare da tsara yanda taron zai tafi daidai tazo, sun shirya komai kuma alhamdulillah komai yayi yanda ake so. Gaba d'ayanmu wad'anda za'a yaye mu sha takwas ne maza takwas sai matan mu goma, muna cikin ankon wata dalleliyar shadda me ruwan sararin samaniya tare da farin hijab da farin takalmi.

Mazan ma shaddar irin tamu ce sai farin takalmi da farar hula, Hakika munyi kyau munkuma bada kala tun a wannan lokaci manyan mutane suka fara yabama tsarin da muka yi.

Munsami halartar manyan mutane wa indama bamu zata ba sannan iyayen mu da dangin mu kowa burinshi ace ga nashi shima ya samu wannan d'aukakar.

''Ki daure Rumana dan Allah kadda ki badamu a wajan nan, kiduba kiga yanda manyan mutane suka zo gurin nan kadda ki kalli fuskar kowa kedai kawai kiyi abinda ke gabanki bana san wannan rawar da jikinki keyi ki dake sosai kilama daganan ki wuce saudiyya insha Allahu.''

Malam Aminu kenan shine shugaban makarantar yau haddashi wajan lallashina. Yana gaba ina bayan shi duk inda ya cire kafarshi nan nake maida tawa sabida kadda na d'ago kainama na kasa aiwatar da abin arziki.

Wata irin kabbara wajan ya d'auka lokacin da na dai-daita tsayuwata akan mumbarin da aka tanada. Tsigar jikina duk sai da ta mike sabida wannan sauti na girman Allah daya shiga kunnuwana ya ratsa jikina.

Muryata itace ta katsema kowa hanzari tare da sa kowa nutsuwar dole lokacin da sautinta ya karad'e ko'ina dake wajan. Bayan doguwar addu'a tare da fatan gama taro lafiya saina gabatar da kaina tare da yima bakin mu barka da zuwa. Wata kabbarar aka kuma d'auka lokacin da na koma gefe na zauna inda aka tanadar mana.

Nan manyan malamai sukaita fitowa suna tofa albarkacin bakinsu tare da jin dad'in yanda addini yake ta k'ara samun d'aukaka tare da jinjinama malaman dake jajircewa dan ganin an d'aukaka kalmar Allah. Sannan muka fito domin gabatar da karatuttuka kadan daga baiwar da Allah yai mana.

Nice ta karshe kuma nice wadda aka gabatar amatsayin shugabar d'alibai mai tsananin kula da dukkan abinda ya shafi addini, Haka zalika karatuna yafi na kowa fita wannan kuka baiwa ce daga Allah.

Lokacin da na gama karatuna na fara fashin baki akan hadisan dake magana akan hakkin 'ya'ya akan iyayensu tare da hakkin iyaye akan 'ya'yansu sai naji wani kuka yazo min a raina ina cewa, inama iyayena na raye yau suga d'iyarsu suyi alfahari da baiwar da Allah yai musu.

Lokacin da na d'ago idona saina sauke su akan inna wacce take ta share hawaye wanda na rasa kona menene na d'an uwanta ne data rasa ko kuwa dai itama tana yine kamar yadda na lura mutane da yawa awajan suna share kwalla.

Fad'in irin kyaututukan dana samu b'ata lokaci ne sai dai kyautar data gigitani itace lokacin da naji wani kamilallan mutun yana cewa.

''Na bawa Rumana kujerar makka tare da kud'i naira dubu d'ari uku Allah yasawa rayuwarki albarka.''

Nanfa waje ya kuma bud'ewa da kabbara yayin da kaina ke duk'e awajan ina hawaye, wanda bazan ce ga kukan me nike yiba. Mai gabatarwa ne ya tashi yayi godiya sosai tare da yiwa wanda ya ba da kyautar da tafi ta kowa wato ALHAJI YUSUF.....

*MAMAN KHADY*🙇🏻‍♀

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 4

Durkushe take gaban boka domin baza akirashi da malami ba duk da cewa sud'in sun kasance suna lakabawa kansu wannan sunan na malamai nan kuwa babu aiki daya da suke yi na malanta sai dai bokanci.

"Alagafarta malam akan maganar yaron nan ce nace bari na dawo domin gaskiya haukan nashi naga kamar yana nema yayi sauki, Sabida yanzu sai yayi kwanaki biyar kai harma sati d'aya ba tare da ciwon ya tashi ba sai dai yai shiru ko kuma yayi ta bacci, nikuma sai naga ai hakan kamar alamun sauki ne ko?'' Bincike-binciken shi yayi kamin ya kalleta.

''Hajiya maganar gaskiya dama nagaya miki bake kadai kike yiwa yaron nan sihiri ba mata biyu ne gakinan cikon ta uku ke gama wani mutun can gefe shima ba'a zaune yake ba, abin ya yiwa yaron nan yawa, tabbas inda yana da karar kwana da tuni ya mutu.To amma dan yayi shiru ba sauki bane tunda babu uhm bare uhu-uhm, sannan babu wata alama tame hankali a gare shi.''

Zakud'awa tayi ta gyara zama tace. ''Toh ai malam abin ne kadda dare d'aya muga ya warware mu dai ba zamu so hakan ba gaskiya.''

Kudi masu tarin yawa ta ajiye mishi kamin ta juya ta tafi. Da kallo ya bita yana mamakin hali na wasu matan lallai duniya cike take da tashin hankali da masifu kala-kala. Shi dai yana maluntar nan ne kawai dan neman kud'i amma yasan ba dai-dai yake aikatawa ba.

Hankalinta kwance ta koma gida kai ba zaka ce ta kasance mai mugun nufi ba kasan cewar itace zata karbi girki yau ya sata nufar b'angaren alhajin ba tare data nufi nata ba. Ledar maganin dake jikinta ta zaro bayan ta rufe d'akin bata da wani zullumi domin tasan alhajin yau yana Bakori wajan yayan shi. Dakin ta barbad'e tun daga k'ofa tana yi tana fad'in.

''So nake na mallakeka Alhaji, ya kasance sai abinda nace kawai za'ayi domin banki in zauna da kai kad'ai ba kamin kwananka ya kare na kwashi dukiya ta in k'aragaba.''

Anan inda take tsaye tayi zigidir da ita tare da lakato gabanta tashafa akan wani d'an mitsitsin garin magani dake tafin hannunta ta had'e ta yamutse sannan ta mai da shi aleda ta boye sannan ta shige wanka.

D'akin babu datti ba zaka tab'a cewa wai anyi wani abu cikin shi ba sabida tsabar iya taku.

Tajima cikin d'akin sannan ta nufi b'angaren Haidar tana yi tana kwarkwasa sai kace zataje wajan wani bazawarinta. Kwance ta taddashi yana ta baccin shi da gashi sai gajeran wando da farar t.shat sabida zafi-zafin da ake yi a yinin yau.

Kallo tabishi dashi kamin ta yatsine fuska. ''Oh ji dan Allah a haka kamar mai hankali sai hauka fal cikin ciki dama mutuwa kayi da kowa ya huta kadaina wahalar da ubanka.''

Idanunta ne yakai kan cinyoyinshi ta kalli kwanciyar gabanshi cikin wandon sai taji wata irin kasala ta sakko mata. Bakinta ta lashe kamar tsohuwar mayya kamin tace.

''Oh sai yau na lura ashe shima girma gareshi kamar ubanshi, amman dai daga gani wannan tafi ta alhaji girma.''

Hannu takai a hankali ta shafa mishi abar, tsabar dad'i bata san lokacin da ta lumshe Idanunta ba. Motsawa yayi jin kamar ana mishi waiwayi amma bai tashi ba, ita kuma tuni ta fara nisa da shafar da take mishi sai kawai ta jiyo tafiya daga bakin k'ofa.

Da sauri ta gyara tsayuwarta tayi wani kalar tausayi da ita. Mudi ne ya shigo da kayan Haidar d'in a hannunshi da alama daga shanya ya d'ebo su. Kallonta yayi itama ta kalleshi kamin tace.

"Sannu Mudi ya yarona da jikin?'' Kallonta yayi sannan ya kalli Haidar d'in sannan yace mata.

''Da sauki bacci yake yi.'' Juyawa tayi tare da fad'in.

''Dama lekowa nayi in ganshi daga unguwa nake ma sai anjima a kula da abincin shi dan Allah.'' Ficewa tayi tana cewa.

''Allah ya kai damo ga harawa na san ko baici ba zai yi birgima.''

Hajiya Saude kenan mace mai matukar had'arin gaske ta iya fuska biyu kai ita har fuska hud'u ma ta iya. Da kallo Mudi ya bita har ta b'ace mishi kafin ya girgiza kai dan shifa wallahi matan alhajin nan tsoro suke bashi.

****

Bakori.... Taro ya tashi lafiya kowa sai fad'in albarkacin bakin shi yake yi, Yayin da malamai suke ta yin nan-nan dani domin ba k'ananun kud'i suka samuba ta dalilina banda kyautuna wa inda aka dinga bani hannu da hannu ba, Inna na gefena takasa ta tsare sai yamma lis muka koma gida domin bayan taron ya watsema ni hanani tafiya akayi. 'Yan uwan mahaifina dana Ummana da suka zo tuni suka koma gidan zaman jiran dawowarmu.

Wai dadi kasheni yau inna ce hadda kaimin ruwan wanka bayi, har cewa take. ''Ki gasa jikinki sosai danki sami nutsuwa domin wannan jaganiyar da kikai yawa gare ta, Allah dai yayi miki albarka ya jikan iyayenki.''

Ina wanka ina tunanin anya nice kuwa, ashe dama haka mutum yakeji idan har dad'i yai mishi yawa? ni dai yau gaskiya dad'i yayi min yawa, najima a bayin dan tunani yai min yawa, sai da naji inna na kwalamin kira sannan nai azamar watsawa jikina ruwa na fito ina na fito ta.

Gwanin dadi ta washe baki kamin tace. ''Yauwa 'yar albarka zokici abinci dan ina sane duk yau ko ruwa baki sama cikin kiba.''

Ina fara cin abinci sai ga baba ya shigo da sauri yana fad'in. ''Ina Ruma take d'auko hijab d'inki ga baki zaku gaisa chairman ne yayo aike basu iso da wuri ba.''

Kirjina yai wata irin bugawa nan da nan jikina ya d'auki rawa na fara hawaye.

Dariya suka fara yimin ganin yanda duk na rud'e jikina ya d'auki rawa. Da fani baba yayi kamin yace min.

''Ki kwantar da hankalinki gaisawa kawai zaku yi kinji ko?'' K'anin mahaifina baba Rabi'u shima dafani yayi kafin yace.

''Jeki mana 'yar baba.''

Kamar zasu kamani haka na dinga labe-labe Baba na biye dani yana dariya. Duk'awa nayi har k'asa na gaida su, ban tashi a wajan ba sukaci gaba da sakamin albarka, Lokacin ne Baba yake cewa.

''Ai da yake marainiyace babu uwa babu uba shi yasa sam bata da walwala sosai.''

Nan fa suka kuma cika da mamaki tare da tausaya min, musamman da suka kasan ce manyan mutane kowa cikin zuciyar shi fata yake ina ma ace d'iyar shi ce. Wani kunshi ne suka miko min.

''Gashi wannan tallafi ne daga shugaba, Allah yayi miki albarka yai miki jagora.''

Hannu nasa na amsa wanda yake ta faman yin rawa dan dama can ni haka nake maza masifar tsoratani suke yi balle yau duk jina nake yi a takure.

Kasa cin abincin nayi a haka har dare gidan mu bai rabu da mutane ba anata shigo mana barka da Allah sanya alkhairi.

Cikin dare ina can ina bacci su kuma suna can d'akin inna ana bud'e kyautukan dana samu tare da makudan kud'i wanda yawan su duk sai da ya firgita su da yake akwai kannan mahaifina dana mahaifiyata wa'inda basu tafi ba nan zasu kwana.

**** ****

Alhaji Yusuf ne a zaune shida yayansa suna kuma tattaunawa akan lalaurar Haidar wacce tuni ta gama danne zukatan su da tsananin damuwa.

''Gaskiya yaya Allah ya sani nidai nayi iyakar abinda zan iya yi mishi amma yanda yake haka yake narasa ta yanda zan bullowa wannan larurar gashi har yanzu neman Fatima nake amma babu ita ba alamarta kuma ni wallahi ban saketa ba amma ta manta damu baki d'aya nida yaron ta.''

Numfasawa Alhaji Yahaya yayi sannan yace.

''To Yusufa nikam a wannan gabar ban san abinda zanyi ba kasan dama da kyar da sid'in goshi aka baka auranta sabida suna tunanin matanka zasu iya cutar da ita, Sannan lokacin da ka turani naje labarin abinda suka bani kayiwa ita Fatiman ai babu dad'in ji kuma sunce sunsan sharrin matanka ne amma kafara d'aukar mataki a gidanka sannan su fara tunanin mai da maka da matarka, idan ma zasu iya kenan dan haka ni abinda nake gani a farabi ta neman maganin Haidar d'in tukunna sannan akoma takan Fatima domin ita nata mai sauki ne tunda ta san cewar akwai aure akanta, ka gane ko?''

"Eh yaya na gane, amman ni wallahi da Haidar lafiyar shi lau dana nema mishi auran wannan yarinyar dan ta tsaya min a rai, gaskiya iyayenta sunyi sa'ar haihuwa ta wallahi.'' Murmushi yayi kafin yace.

''WaivRumana kake nufi? Ai haka Allah ya hore mata wannan baiwar kowa sha'awarta yake yi, amma marainiyace nan dakake gani bata da uwa balle uba malam shi ne yake rikonta, amma ko yanzu bata b'aci ba zan tuntubi shi malam d'in idan har zai iya bamu sai muyi dabarar yanda babu wanda zai gane sai ace mishi yaron na k'asar waje karatu muna sone daya dawo ya tararar da matarshi, sabida gaskiya nima hankali ya karkata ga hakan tana da nutsuwa da hankali sannan tabbas zata kula dashi kaga idan ma anfara maganin itace zata tsaya tsayin daka wajan ganin yasha ko amfani dashi, amma wallahi Yusufa banga amfanin wad'annan ruguza-ruguzan matan naka ba nasan kullum makasarka suke nema.''

Shi dai alhaji Yusuf shiru yayi tare da sunkuyar da kanshi k'asa shi abinda yasa ya kasa d'aukar mataki akan su ya zai yi tunda babu wacce ya tab'a kamawa da wani mugun laifi' sannan ko wacce tana kula dashi, shi tsoran shima kadda yaje ya saki wacce bata da laifi amma yasan yana nan yana saka musu ido akan komai nasu.

Zuciyarshi ta cika da farin ciki jin cewa yayanshi zai tuntubi marik'in Rumana ko zai bashi aurenta, lallai yasan Haidar ya gama morewa idan Allah ya bashi lafiya.

****

Cikin wannan dare Hajiya Saude zigidir take haihuwar uwarta agefen d'an k'aramin wajen shak'atawar gidan, wanka take yi da wani koko da magani a cikin shi tana yi tana sambatu tare da kiran sunan Alhaji Yusuf tana nanata sunan matanshi d'aya bayan d'aya, Itakam bata ta Haidar domin dashi da matacce duk daya ne a wajanta.

Tajima tana wannan surkulle sannan ta yafa zaninta tabar wajen bayan ta d'aurewa wajan gudun kadda wani yazo wajan da safe ya gani ya gane.

Adai-dai wannan lokacin shi kuma Alhaji Yusuf yana tsaye gaban Allah yana kai kukanshi gareshi na matsalolin rayuwa da suka addabeshi, tabbas ba dan yana da tsananin matsi akan addininshi ba da tuni anyi babu shi, ko kuma wata lalurar ta same shi.

****

Yana kwance a gefenshi yake jin wani irin nishi tare da nunfarfashi, da sauri ya bud'e idanunshi tare da lalubo wayarshi dan tashi ya kunna musu haske zai iya yi mashi wahala. Ji yai kamar ya saka kuka lokacin da yaga halin da Haidar d'in yake ciki ganin gabanshi ya mike sosai kamar zai fasa mishi gaban wando, sai zufa yake yi yana wani irin gurnani.

Mudi wanda ya gaji da ganin halin da Hydar yake ciki bai son lokacin da ya jawo Haidar d'in zuwa jikin shi ba, a tsorace ya fara shafa masa wajan jikinsa yana kyarma burinsa kawai Allah yasa Hydar d'in ya samu sassaucin wannan sha'awar da take bijero masa dan ya kudure a ranshi Alhaji na dawowa zai gaya mishi gaskiya a samu a yiwa Hydar aure tunda dai yanzu ya rage dukan mutane bare ace zai bigi matar da za'a auro masa. Wani irin abu Mudi ya gani domin......

*MAMAN KHADY*🙇🏻‍♀

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 5.

Domin duk a tunanin shi zaiga yana wani hauka na daban lokacin da ya kama masa, sai yaga inaa..dan tuni ya lafe a jikin Mudin idanunsa a lumshe bakinsa a bud'e har wani miyau yake fitarwa da alama yana jin dad'in abinda Mudin yake yi mishi har cikin ranshi.

Cike da tausayin Hydar Mudi ya taimaka mishi har sai da yaga ya koma wani baccin sannan shima ya samu ya kwanta, sai dai zuciyarshi cike da tsoron Allah akan abinda ya aikata yanzu duk da cewar taimako yayi kuma shi ba wani abin yaji a cikin zuciyarsa ba, ya fara tunanin. yanzu ya san inda lafiyar Haidar qalau ai ko wajan motarshi bai isa yaje ba balle ai maganar kwanciya kusa dashi harma ya tab'a mishi jikinsa. Lallai komai na Allah tsare yake sannan bawa baya tab'a wuce k'addararshi.

****

Washe gari cikin garin BAKORI: Da kyar na samu na yakice baccin dake damuna na mike lokacin iyayena suna d'akin inna har lokacin suna maida yanda akai akan yanayin hidimar data gudana ajiya.

Da sallama na shiga tare da makurewa a gefe ina gaida su. Inna da kanta ta kawo min abin karyawa ta tana fadin.

"Sannu Ruma ya gajiyar ciwon kan ya sauka ko?''

Kaina na d'aga mata kawai naja kofin shayi zuwa gabana da biredi, yau da kayan dadi zamu karya kenan. Zuciya ta tayi murnar hakan dan ba sabawa aka yi ba.

Baba rabi'u da baba ne suka shigo, suma gaida su nayi na cigaba da karyawa ta ina jin duk abinda suke fad'a.

"Ruma duba rigunan nan kigani duk cikin kyautukan da kika samu ne.'' Cewar gwaggo lami.

Wasu riguna ne dogaye masu masifar kyau dan ban tab'a ganin irin suba bakina har kunne nake cewa.

''Amman dai sunyi kyau sosai na gode Allah ya saka da alkhairi.''

Baya na tashi da sauri ina niyyar guduwa lokacin da baba ya zube min wasu kud'i masu tsananin yawan gaske dami-dami dasu a jikin kaure, ba sabun ba.

Innace ta rikeni tana dariyar itama tare da cewa.

"Kedai wallahi Ruma kin cika tsoron masifa, dallah gani zaki yi kud'in da kika samu ne dubu dari bakwai da hamsin ne, amma mun yanke shawarar za'a sai miki kadara na dubu d'ari biyar sauran kuma za'a rabawa dangi, d'ari da hamsin nida malam d'arin kuma sai a ajiye miki kisai sababbin kaya da sauran abin da kike buk'ata muna fatan hakan yai miki?''

Kaina a k'asa ina hawaye babu abinda ya fad'o min sai tunanin iyayena inama suna da rayuwa suma su dangwali albarkacin haihuwata. Duk sai jikinsu yai sanyi ganin ina kuka, da kyar na daure nace da ita.

''Inna duk yanda kuka yi hakan yayi amma dan Allah cikin wanda aka bani ina so acire rabi aje akai masallaci asai wani abin mai muhimmanci ko tabarmi ko butuci ko alkur'anai domin suma iyayena su sami ladan.''

''Allahu Akbar Allah yai miki albarka Ruma" Cewar baba.

Da yamma Baba yana zaune inda yake yin alwala yana yin asuwaki nikuma ina zaune cikin baranda ina had'a littatafan dana samu bakina har kunne tsabar farin ciki da jin dad'i, Inna na gefe tana ta gyaran kajin da ta siyo dama inna akwai son dad'i ita dai a rayuwarta ta sami jin dad'i ace yau itace hajiya Suwaiba, Shi yasa ko kujerar makkan dana samu tana cewa itace zataje ta yiwa iyayena addua' babu wanda ya musa domin ansan bama zata yarda ba.

Sallama aka yi har sau uku kafin baba ya mike da sauri yana nanata ana zuwa. Har ya fita sai kuma gashi da sauri yana fad'in.

''Suwaiba kawo tabarma alhaji Yahaya ne da kaninsa wanda ya yiwa Ruma kyautar kujerar makka.'' Da sauri kuwa ta mike har jikinta na rawa

''Laallah! Kace manyan baki ne damu to sannunsu.''

Kasa zama tayi sabida zullumin me kuma ya dawo dasu har wani lekawa take yi ko Allah zaisa taji wani abu. Niko ina gefe ina dariya domin lokuta da dama lamarinta kan bani dariya.

Gefena ta dawo tace. ''Ruma kaddafa malam ya gayama alhajinnan cewar ba kece me zuwa makkan nan ba dan nasan zai iya wallahi.''

"Kai haba inna ya za ai yace haka dama ai dole ke zaki ai babu wanda yafi cancanta da zuwa saike, nidai kin san tsarabata ta da bance ko inna?''

Cike dajin dad'i ta dafani tana cewa. "Ah kwarai ma kuwa, insha Allah d'iya ta shi yasa nake sonki wallahi.''

A can zaure kuwa, Alhaji Yahaya ne ya kalli malam Sule bayan sun gama gaisawa yace.

"Nasan kila zakai mamakin ganinmu anan, toh malam wannan dai sunansa Yusufa nasan ba sai nayi maka bayanin shi ba, kasan na gayyaceshi wajan walimar jiya kuma gashi ya samu ya halarta harda da gudummawarshi wacce ba'a zata ba, to kuma daga baya sai ya nuna sha'awar Rumana akan shigowa cikin iyalinshi ma'ana yana so ya nemawa yaronshi Haidar auranta idan ba ayi mata mijiba shi yasa yana gaya min nace ai duk gida ne bari kawai muzo da wuri, gashinan ayi komai agaban shi domin da tun safema zai tafi amma sabida wannan maganar sai ya dakata.

Cikin farin ciki malam yake furta. "Alhamdulillah lallai abu yayi kya, Allah ya taimaka kuma ya shige mana gaba sannan ya zab'a mafi alkhairi. Toh amman wani hanzari ba gudu ba, nasan dai kasan cewa yarinyar nan marainiya ce ba uwa babu uba ita mai d'akin nawa itace yayar mahaifinta kaga kenan akwai yiwuwar dole sai anyi shawara da iyayenta nacan kadda suga kamar munayi musu karan tsaye akanta, kuma wallahi kaga ansami sab'ani domin sai d'azu suka wuce can gida maska.''

"Toh ai babu komai ni sai muje dakai har can garin domin neman izini amma yanzu dai ka kiramana ita innar tata taji daga bakina kasan halin mata.'' Cewar alhaji Yahaya.

Tare suka dawo da ita cikin zauran jikinta duk yai sanyi musamman data hangi wata dalleliyar mota daga k'ofar gidan, ga manyan mutane zaune a cikin zauren wanda ya gama bud'ewa da kamshin Alhaji Yusuf domin tasan sai dai shi d'in domin alhaji Yahaya anriga an saba dashi.

Bayani sukai mata dalla-dallah yanda zata gane kafin shi Alhaji Yusuf d'in ya d'ora da fad'in.

"Kamar dai yanda yaya na yai miki bayani yarona yana kasar waje karatu amma ya kusa gamawa abinda yasa nai mishi sha'awar Rumana gaskiya na yaba da tarbiyyarta sannan nasan kowa zaiso ace ya had'a iri da ita, ina fatan zaku amince domin Haidar shi kad'ai ne yarona ina so ya samu mace ta gari.''

Wata zufar farin ciki ne ta zubowa Inna ta ko'ina daga jikinta kafin ta d'an muskuta ta kuma gyara mayafinta tace.

"Toh shikenan insha Allahu komai ba zai gagaraba tunda ba ayi mata mijina ba, sannan ga malam komai nene sai kuji daga gareshi.''

Cike da farin ciki Alhaji Yusuf yabar garin BAKORI bayan yayan shi yai mishi alkawarin cewar a cikin satin nan zaija malam Sulen suje maska domin nemowa Haidar auran Rumana din. (To ruma da auran mahaukaci🤭)

Sai dare ya shiga cikin katsina hankalinshi kwance bakinshi cike da adduar Allah yasa abinda yake son shiryawa ya zama alkhairi garesu baki d'aya.

Mudi yayi murnar ganin shi duk da cewa har sun kwanta bacci lokacin, sai da ya gama duba jikin Haidar d'in yaga babu matsala sannan ya wuce d'akin shi wanda aka gama fesheshi da asirirrika kala-kala.

Da bismillah ya jefa kafarshi tare da bi da ayatul kursiyyu da falaki da nassi domin haka kawai ya farajin fad'uwar gaba lokacin da ya dumfaro d'akin nasa.

Kwance take saman gadon shi tayi dai-dai tana kwasar baccinta, wankanshi ya wuce yayo ya gyara jikinshi sannan ya rab'a gefenta ya kwanta bayan ya gama tofe jikinshi da addu'a.

*******

"Oh gaskiya rikonki ya zame min alkhairi Ruma, Allah ya jikan iyayenki, zanzufa makka zanje sannan ga wannan alhaji da yake so ki auri d'anshi kinga shikenan muda talauci munyi hannun riga ko?''

Turo bakina gaba nai ce. ''Kai inna nidai wallahi bana sonshi kin dai san duk yaran da ake kaiwa kasar waje karatu a iskanci suke dawowa, kuma shikenan saiki aura min wanda bazai tab'a sanin darajata ba?''

"Innalillahi na bani ni Suwaiba, Ruma kina da hankali kuwa? Toh wallahi ahir d'inki da yimana bakin ciki, gobe idan Allah ya kaimu zamuje maska gaba d'ayan mu, saura idan an tambayeki ki musa Allah saina yankaki aikin san zan iya ko?''

Kuka na saka mata nace. ''Inna duk ga masu sona nan a garin nan ga Mansur ga K'asim ga malam Umar kullum nacin tambaya suke yi zasu turo kinaki sai wannan daga zuwa wama yasani ko d'an fillan kai ne.''

Dariya tayi kamin tace. ''Yaro man kaza, to kodai tukunyar tsafince shi gaba d'aya dole shi zaki aura garama kisawa zuciyarki salama, haba Rumana dama fa wallahi ke matar manya ce kinga ban tab'a haihuwa ba ya kamata ki sharemin hawaye na kinji ko? Yauwa Rumana Allah yai miki albarka ai insha Allahu nasan zai kasance nagari domin Allah baya wulakantar da bawan shi musamman ma kuma marainiyan Allah.''

Ina rungume a jikinta ina magana cikin zuciyata. 'Inna ai Allah ne yaga abinda ya gani har ya hanaki haihuwar, dan da yanzu kin tashi BAKORI da tashin hankalinki musamman na san sai kin addabi kowa, ji duk kalar wulakancin da kike min amma yanzu sai wani lallashina kikeyi sabida tsabar son duniya kai Allah ka rabamu da wannan kalar rayuwa.'

Dije ce tashigo gidan da sallama bayan ta gaida innan muka wuce d'akinta ita kuma ta sab'a hijabi tai gaba abinta, domin ita in dai zuwa unguwarta ya tashi toko baban sai dai yazo ya tarar bata nan, na sha nuna mata babu kyau amma inaa wani lokacin ma makemin baki take yi wai tunkafin a haifi uwata takejin wa'azi kai inna ko...!

Labarin walima muka dasa nida dije kafin in kuma matsawa jikinta nace. ''Ke dije kinsan meya faru kuwa?''

Hankalinta na kan kayan sawar dana samu tace.

''A'a sai kin gaya min.''

"Humm kin tuna mutumin da ya bani kyautar kudi da kujerar makka?''

Dariya tayi kafin tace. ''Ai dama na sanshi yana da kirki sosai a katsina yake mai kud'i ne sosai uwar su d'aya uban su d'aya da alhaji Yahaya ya aka yi?''

"Dije kindai san bani da k'awa garinnan saike kuma dake kawai na yadda dan Allah kibani shawara wallahi tun shekaranjiya nake cikin tashin hankali jiya ko baccin kirki banyi ba, kinji wai shine yazo yana nemawa yaron shi aurena kuma wai yaron nashi yana kasar waje karatu.''

Batare dana sani ba naji ta wani rungumeni tana murna kamin tace.

''Alhamdulillah! aiko maganar malam ta tabbata daya ce ked'in matar manya ce, Allah ya tabbatar da alkhairi Ruma wannan ai abin farin ciki ne domin kowa yasan alhaji Yusuf mutumin kirki ne yaron ne dai ban sani ba gaskiya domin sau d'aya na tab'a ganin wata mota tazo gidan Alhaji Yahaya ni kuma zan wuce naji wasu na cewa yaron alhaji Yusuf ne yazo gaida yayan mahaifinshi, kumafa shi kad'ai ne d'an shi, ai kinga dole ya hau manyan motoci, toh ni dai iyakar abinda na sani a kanshi kenan. Amma insha Allah babu wata matsala ki kwantar da hankalinki ki dage da addu'a shawarar da zan baki kenan.''

Ajiyar zuciya kawai na sauke amma sam bana cikin nutsuwata. Kayan da ta gama gani nace.

''Toh ki d'auki ko kala biyu ne dije.''

"Waaa! ni? a'a wallahi wancan hijab d'in dai zan d'auka sabida yayi min kyau shima dan naga kina da kalarshi ne amma da bazan d'auka ba.''

Sai yamma lis sannan muka rabu da ita sabida an bamu hutu na sati d'aya a islamiyya sabida kacaniyar da aka sha.

Washe gari... Kamar yadda aka tsara Alhaji Yusuf ya aiko da mota da direba wanda zai kaimu maska kuma ya dawo damu. Duk irin yanda nake jin jikina da zuciyata hakan be hanani sakayawa fuskata murmushi ba musamman dana lura baba yana ta kallona da alama wani sauyi yake son gani daga gareni, ba kamar inna ba wacce take ta harkar gabanta a cikin motar.

An tare mu sosai domin ansan da zuwan mu ranar, nidai ko hutawa ban yiba 'yan uwana wa'inda muke sa'anni suka dinga jana gidan dangi bamu nan bamu can sabida su koda yaushe kallon wata madaukakiya suke yi min tun iyayena na raye.

Bazance ga abinda iyayena suka tattauna akai ba domin ban sani ba sai dai muna dawowa aka ce baba da mazan su alhaji sun wuce saini da inna kawai aka bari.

Naso na kwana a gidan kakannina na wajan uwa amma iya tayi mirsisi tace a gadonta zan kwana. Humm komai suke nufi da hakan oho.

Dangin Mamana na sona sosai amma sam basu samu sakewa dani sabida wata irin zuciya da dangin mahaifina keda ita duk kusan halin su d'aya tunda basu da 'yan uba duk iya ce ta haifesu dama ance abbana ne kawai bai d'auko halinta ba kamar yadda naji labari shi yasa gashi nan Allah ya dauke shi ya barta da masu kalar halinta.

Hanani bacci suka yi iya da inna wai da sunan bani shawara nan kuwa duk maganar d'aya ce kadda na basu kunya gara na zauna inda zan huta har suma su dangwali arziki. Kai kud'i basu yi ba wani lokacin. Babu ruwan su da wane irin kalar mijin zan zauna ba ko wane hali zan shiga ba sudai kawai na auri mai kud'i kodan su samu kud'i suma.

Can sama-sama na fara bacci naji iya na tamabayar inna.

''Waike me yasa kika ce asa bikinnan wata biyu?''

"Babu komai iya haka dai nace sabida kadda aga kamar neman kai muke yi da ita nifa ta fara bani tausayima.''

Mittsww.. ''Dalla bani wuri, to uban waye yace baya jin tausayin ta? ai jin tausayinta da muke yi ne shi yasa muke so ta auri wanda zata huta a gidan shi, kinga alhajin nan yace kadda akaita da komai sai suturunta komai zai yi mata tunda marainiya ce memakon ayi komai cikin sati biyu ko d'aya kika wani zabi har wata biyu dan iskanci.''

Cewar kakata iya, gashi dai ta manyanta amma hankalinta gaba d'aya yana kan dukiya kome zata yi da dukiya alhalin yanzu tana kan hanya? Eh mana tunda yanzu ko ita ta san da wuya ta nanata koda kwatan shekarunta na baya.

Wasu hawaye masu d'umi suka zubo min ina mamakin halin rayuwar yanzu, bansan lokacin da bacci yayi gaba dani ba.

**** *****

''Alhaji wai lafiya kuwa naga kanata shirye-shirye kamar mai shirin yin wata hidima?''

Ba tare daya kalleta ba yace. ''Ai hidima zanyi hajiya domin kuwa yaronki zanyiwa aure insha Allah.''

Idanunta ta fito dasu tare da dafe kirji, ''Alhaji wani yaron nawa?''

Ganin kalar kallon da yake mata ya sata wayancewa da cewa.

''Amma dai da mamaki Alhaji mai zaisa kai mishi aure yana cikin wannan halin? ai sai naga kamar rashin adalci ne, to ma wani mahaukacin nee ko nace kwadayayyen ne zai bawa mahaukaci 'yarshi?''

Wayarshi ya zara tare da ficewa yabar mata d'akin.

Hannuwa tasa saman kanta tare da budce baki zata saki ihu komai ta tuna kuma sai tai gaggawar rufe bakinta tare da nanata.

''Kan bantan uba..a'a wallahi da sake.''

*MAMAN KHADY*🙇🏻‍♀

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 6

Kai tsaye b'angaren sauran abokan zamanta ta nufa hankali a tashe, razana tayi sosai lokacin da taga babu kowa a babban falon. Wayarta ta jawo ta danna musu kira d'aya bayan d'aya akan gatanan a babba falo tana jiransu. Mata ne mugayen mata suna da tsananin kishi tsakanin su amma sai suka had'ewa mahaifiyar Haidar kai, har sai da sukai yanda suka yi suka rabata da gidan bayan sun nakasa mata yaro.

Sunayin tarayya wajan ganin sun ruguza shi Haidar d'in gaba d'aya wannan dalilin ne yasa lokuta da dama suke danne kishin su, ammafa ko wacce cikin zuciyarta akwai wani mugun nufi dake makale wanda inda ko wacce zata samu dama tofa sai inda karfinta ya kare, amma a haka bazaka tab'a ganewaba domin ko wacce ta iya takunta.

D'aya bayan d'aya suka dinga shigowa cikin parlourn ko wacce taci gayunta sai kamshi ke tashi kai baka ce akwai wani mugun nufi a cikin zukatan suba. Hajiya bilkisu ta dai-daita nutsuwarta hanci a sama tace.

''Kun kuwa san meke shirin faruwa cikin a gidan nan?'' Hajiya saratu ta yatsina fuska tare da cewa.

"Babu abinda muka sani Bilki sai dai idan ke zaki gaya mana yanzu.''

"To akwai matsala babba ba k'arama ba domin kuwa alhaji na nan yana shirin yiwa Haidar aure wanda bamu san wace kala yarinyar zai auro mishi ba.''

Duk cikinsu babu wacce maganar bata doketaba amma da yake 'yan duniya ne babu wacce ta nuna, Saima hajiya Saude ce da tayi murmushi tace.

''Lallai daga gani makwad'ait ne idan ba haka ba waye zai ba mahaukaci d'iyarshi? kai bama haka ba anya ansan ya Haidar d'in yake kuwa da zasu bashi auran 'yarsu? kodai rufa-rufa aka yiwa iyayenta?''

Nanfa sukai shiru bayan sun tsayar da magana d'aya cewar duk wacce ta samu dama to lallai ta bugi cikin alhajin har sai ya fad'i gidan su yarinyar ta yanda zasuje su kashe maganar domin suna so su tona abinda shi alhajin ya rufe kowa yasan babu wani me hankali da zai d'auki d'iyar shi ya dankawa mahaukaci ita, kai ina bama zai yiwu ba.

*****

Bayan sati d'aya. A ranar muka dawo BAKORI bayan na gama zagaye dangina na uwa dana uba sunata nanata min sai sunzo biki insha Allah. Ni dai iyakata ido da murmushi domin gani nake yi kamar labari ne na kanzon kurege.

Aranar da muka dawo aranar alhaji Yahaya yazo gidan mu ya kuma ce wajena kawai yazo yana son magana dani. Rashin sabo tsakanin mu yasa duk hankalina ya tashi inna da kanta takai mishi tabarma har zaure sannan ta dawo gida bayan sun gaisa. Ban yarda na kalleshi ba a haka muka gaisa dashi sabida kunya inda ya fara da ce min.

"To Alhamdulillah *RUMANA* na san cewa babu wanda ya tuntub'e ki domin jin ta bakinki akan kina son auran Haidar ko bakya son shi, sabida ana ganin an isa dake. Toh nima ba tambayarki zanyi ba Rumana sai dai nayi miki godiya da amincewar da kika yi domin yin wannan jihadi, insha Allahu nasan zuwa gaba zakiji dad'i sannan zaki yi alfahari da hakan ina fatan Allah yai mana jagora kuma ya shigemana gaba a cikin wannan lamarin.''

Kaina a kasa na amsa da 'amin' ba tare dana bari ya jiba.

"Ga wannan waya ce Yusufa yace a baki ko zaku dinga gaisawa tsakaninku dashi, sannan dan Allah kadda kidamu da rashin ganin mijinki a yanzu domin sainan da watanni biyar zai dawo, ke kuma kinga yanzu saura satittika ya rage ayi bikin ku, zan turo miki Usman na wajena ai na san kin sanshi, to abokin shi Haidar d'in ne saiku dinga aiwatar da komai dashi na hidimar bikin kinji ko? Koda kina bukatar wani abun shi zakiwa magana kin fahimceni ko?''

Kaina a kasa nace ''Ehh nagode Allah ya saka da alkhairi.''

Komawa nayi cikin gida jikina duk ya gama yin sanyi, jinai kawai hankalina be kwanta da wanda zan aura din ba to inba haka ba shi ace zamu gaisa din dashi mana amma sai ace da mahaifinsa zamu yi, gaskiya nifa dama can bana kaunar na auri wanda baya sona sabida idan namiji baya sonka wallahi komai zai iyayi dan ganin ya wulakantaka, bare shi wannan daga yanda naga labarinshi kudi sun gama bud'e mishi idanu, wai tsaya ma wani kalane shi mijin da zan aura..? Tambayar da bata da amsa a yanzu kenan.

******

''Alhaji kayi hakuri kamar yadda na gaya maka a wancan lokacin kaki yadda to yauma daka dawo maganar zan nanata maka, yaronka kwakwalwar shi lafiya lau take, sannan bashi da wata lalura mai alama da tabin hankali, kawai dai an kauce hanya ne aka had'ashi da mugayen aljanu wad'anda suke zuwa suna bidirinsu ajikin shi wani lokacin, shine zakaga ya koma kamar mahaukaci amma sam ba mahaukaci bane. A tun lokacin da nayi maka wannan bayanin idan da ka amince inaga da yanzu Allah ya bashi lafiya domin Allah zamu rok'a kuma shine zai yi maganin komai, Amma lokacin saika nuna kai a'a ba zai yiwu ba sabida kana tunanin baka nufin kowa da sharri dan haka babu wanda zai nufeka dashi ko? To yanzu ba k'aramin kuskure bane, dan wanima bakasan shi ba amma yana nan yana neman hanyar da zai cutar dakai balle kuma wanda kasani kuma yake jikinka, Bawai ina nufin wani naka bane yaiwa yaronka wannan sharrin a'a kawai dai inaso in nuna maka cewa k'addarar Allah yawa ne da ita sannan zakaga komai yana da sila da sanadi yanzu dai fatan mu Allah ya shige mana gaba ya kawowa yaron nan sauki.''

Muskutawa yayi kafin yace. ''Amin ya Allah, nagode malam to yanzu wane mataki ya kamata afara bi?''

''Yauwa to maganar danake son ji kenan daga bakin ka, yanzu abinda ya kamata anan shine da farko dai za'a fara da almajirai yara ayi sauka ta alkur'ani sau d'aya, sannan za'a bawa mabuk'ata sadaka, Sai a fara bashi rubutu na sha da shafawa insha Allah wata rana sai labari. Sannan bayanin dakai min na auran da zaka yi mishi shima wannan naji dad'i kuma nayi farin ciki domin indai ita matar tashi ta fahimci lalurar tashi to lallai ko maganin zaifi tafiya yanda ya kamata ajikin shi, Amma ka daina maganar sha'awarshi eh gaskiya ne yana da yawan bukatar mace kuma koda bakin shi yasha gaya maka amman yanzu ma da lalaurar ta kamashi su aljanun basu tab'a mishi wannan b'angaren sha'awar tashi ba shi yasa take tashi lokaci zuwa lokaci amma dan Allah kadda kaba da kofar da zai kusanci yarinyar mutane alhalin baya cikin hayyacin shi dan lallai za'a iya samin matsala wacce bama fata.''

Kuma numfasawa alhaji Yusuf yayi jiyake jikin shi kamar anyi mshi duka sabida tashin hankali shi kam duk wanda ya yiwa Haidar haka bazai tab'a yafe mishi ba idan kuwa zai ganshi kila sai ya zama ajalin shi. Sallama yayi akan sai ya dawo sai a fara abinda ya dace ammafa har lokacin tunani yake anya kuwa gaske ne wani ne zai kauce hanya domin ya cutar da d'an uwansa musulmi?

Jiki a sanyaye ya koma gida ko b'angaren shi bai nufa ba sai dai ya fara nufar na Haidai d'in. Kwance yake yana bacci, shi kuma Mudi na saman kanshi yana ragemai sumar kanshi a hankali gudun kadda ya tashi yayi ta borin daya saba.

Zama yayi ragwaf tare da d'agawa Mudi hannu wanda yake gaidashi, Lumshe idanunshi yayi yana tunani wanda yanzu ya zame mishi jiki.

Yana zaune yana kallon Mudi har k'umba sai da ya rage mishi sannan ya gyara mishi sajen shi nan da nan fuskarshi tai wani fayau kai baka ce yana da wata lalurar ba.

"Mudi aure zan yiwa Haidar.'' Cewar alhaji Yusuf yana kallon yanayin Mudin, cikin washe baki yace.

''Kai alhamdulillah alhaji hakan yayi kyau wallahi Allah ya bashi ta gari wacce zata kula dashi tsakaninta da Allah.''

Bayan sati shida.Zuwa wannan lokacin gidanmu ya kacame da hidima sabida karatowar biki. Zaune nake inna tana ta lailayemin jikina da lalle dagani sai wata bak'ar bes a jikina, inna da kanta ta siyota a kasuwa sabida wannan aikin da take mim. Kirjina na kalla wanda yayi wani cirko-cirko kasancewa babu bra a jikina, har kirjin nawama be tsira ba tunda bani takeyi tace na shafa idan tagama.

Fatata ta canza sosai wani uban laushi da santsi takeyi sannan ga kamshi domin akwai wata madarar turare da ake zubawa cikin kwabin lallan yanzu wajan wata daya kenan dafara yi min wannan gyaran ammafa na canza nayi kyau ta yadda daka ganni zaka san cewar ni din amarya ce.

"Dan Allah duk gyaran nan da nake miki ki daure idan anyi auran nan kiciga ba da yi domin wallahi ba k'aramin temakawa jiki yake yiba, kune dai yaran zamani da sai kuce ku dole sai kayan shafe-shafe shi yasa da an kwana biyu sai jiki ya jeme ya lalace.'' Ban kalleta ba nace.

''Toh inna.''

Shigowar dije da wasu k'awayenmu yasa inna barin d'akin mukuma mukaci gaba da shirya yanda za'a yi duk da dai ni ina zaune iya kaci na dasu kallo.

Usman shine wanda yayi ruwa yayi tsaki wajan ganin komai ya tafi dai-dai an shirya walima kadai kamar yadda mahaifin ango ya tsara sannan aka bani wadatattun kud'i koda zan buk'ata lefena kwananshi hudu da kawowa babu abinda babu akwatina shida masu shegen kyau da tsada sannan ga uwa uba kayan da aka zuba a ciki.

K'awayena sunata tayani murna tare da nanata suma Allah ya mai dasu kamar ni, Ni kam jinsu kawai nake yi domin ina cikin wani yanayi wanda ni kaina bazan ce ga kalarshi ba......

*MAMAN KHADY.*🙇🏻‍♀

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 7

A can bangaren alhaji Yusuf muea ya tada wani lafiyayyan gini abimka ga masu naira, Sosai ya tsauna dukiya a wajen, abinda ya kuma tashin hankalin matan gidan musamman da suka ga ya fita hanyarsu shi dai abinda ke gaban shi kawai yake yi.

Falo ne d'an madaidaici wanda aka k'awatashi da wasu manyan kujeru masu matukar ban sha'awa sune wad'anda sukaiwa falon kawanya, Sannan sai k'ofar kicin daga gefe sai kofar store ajere sannan ta toilet daga gefe.

Sai kofofin bedroom da akai har guda hudu kuma kowan ne d'aki akwai gurin ajiye kaya da gado da madubi da sauran abun bukata na bedroom, an akawata wajen da wasu manyan labulaye masu shegen kyau kai dolema idan ka tsinci kanka a wajan kaji ka cikin nishad'i da son kasancewa a wajan.

Sai da ya shirya har kayan Haidar d'in sababbi da kuma wasu nashi na da sannan yaji hankalinshi ya kwanta, ana gobe d'aurin auren ya cika musu store d'in su da duk wani nau'in abu naci.

Hankalinshi ba a kwance yake ba sabida gajaniya tayi mishi yawa gashi yaki yadda da kowa wanda zai taimaka mishi da wani abun..

****

Gida ya kacame da hidima musamman wayewar garin yau, domin yaune aketa hada hadar sallamar masu d'aurin aure. Misalin biyu da rabi na ranar asabar aka d'aura aurena akan sadaki dubu hamsin anan garin bakori aka d'aura sabida yiwa mijin innan halarci tunda dai shine yake rikona a yanzu.

Tunda aka ce an d'aura wani mugun zazzabi ya rufeni dama ina d'akin inna hayaniya ta isheni, nan da nan jikina ya kuma dumewa duk yanda abokan ango suka so su ganni abin sai ya gagara domin kwance nake sosai.

Nayi mamaki da akace abokan ango na nemana ashe mahaifin Haidar duk ya sanar dasu wajan ya cika da matasa masu aji sannan ga manyan mutane wa'inda suka zowa alhaji Yusuf d'in dan yi masa kara.

Kowa yasan akwai tazara tsakanin bakori da katsina dan haka uku nayi zuwa da wasu mintina aka ce a fito da amarya a wuce da ita gidan ta. Tunda wannan kalma ta doki kunnena sai hankali na ya kuma tashi na fara kuka ina rike inna itama rikeni tayi tana hawaye. Yau wace rana inna na kukan tausayi a kaina😰 har sai da mukabawa kowa tausayi a wajan nan. Nida dije k'awata ne a motar sai kuma gwaggo Hauwa da inna Sa'ade wato dangina na uwa d'aya na uba d'aya.

Tunda mukabar bakori nake kuka har zuwa cikin katsina domin jinake yi kamar makasata za'a kaini, tun suna lallashina har suka gaji suka kyaleni. Mun sami mutane sosai ashe dangin mahaifiyar Haidar d'in sunzo gidan sai dai sun tare a b'angaren alhajin amma cikin matan gidan babu wacce tai musu kallon tsiyama balle su sakaran na arzikin.

Alhajin yaji dad'in ganin su musamman da yaga harda wasu daga cikin matan abokan shi amma wa'inda suke abota da ita mahaifiyar Haidar d'in.

A hannunsu aka mikani nidai na kasance kamar bindi domin sai inda aka jani lokacin har muryata ta dishe sabida kukan dana sha.

Ba k'aramin k'ok'ari Alhajin yayi ba domin sai da ya tsaya-tsayin daka wajan ganin komai ya tafi yanda ya tsara sannan ba tare da an sami wata matsala ba, kuma alhamdulillahi domin zuwa daren wayewar gari gidan babu kowa duk an watse an barni dagani sai halina shine ma yake ta shige da fice a b'angaren namu sai kace shine angon sabida tsabar yanda yake zirga-zirga.

Shigowar shi ta karshe itace daya shigo yi min sallama sai da na duka na kuma gaida shi duk da dai yau ban san iyakar gaisuwar da nayi mishi ba. Zama yai yana sauke numfashi kafin yace.

''Sannu Ruma ki duba ko'ina da ina inda baki gane ba saiki tambayeni jeki ina nan ina jiranki.''

Jikina a sanyaye na mike duk da cewa d'azu sai da na leka ko'ina. Yana nan zaune na dawo yace min.

"Akwai matsala?'' Muryata tayi laushin dole sabida kuka nace.

''Eh akwai kayan da ban san yanda zanyi amfani dasu ba a kitchen d'in.'' Mikewa yayi tare da cewa.

''Muje ki dai yi hakuri Haidar beda uwa ne agidan na san da itace zata zama madadina, to kinga bata nan dole nine zan tsaya miki ko gobe kadda kijira a kawo miki abinci kiyi abinki da kanki akwai komai na buk'ata sannan koda wata ta kawo miki abinci ban yarda kici ba kinji ko? kome kikeso ni zaki nema insha Allah zuwa jibi kingama hutawa zamu yi wata muhimmiyar magana dake.''

Kaina nakuma sunkuyarwa kasa ba tare da nayi magana ba.

"Kidinga min magana Ruma ki d'auke ni amatsayin mahaifinki kinji ba siriki ba domin nima matsayin d'iya na d'aukeki kinji?" Cikin jin kunya nace.

''Toh.'' Yafe min.

"Yauwa ki dinga kirana da Abba sabida mijin kima haka yake ce min kinji ko?''

"To.'' Itace kalmar dana kuma amsawa da ita, gabaki d'aya wata irin soyayyar dattijon ce ta kamani domin gaskiya yana da kirki sosai ga kamala.

Da kanshi ya nuna min komai harma sai da yasa na gwada had'a tea sannan ya ajiye min ledar dake hannunshi ya kunna min TV sannan yayi min sai da safe ya tafi.

Wani tsalle nayi na antaya kan gadon ina murna bayan na cika cikina da naman kazar daya ajiye min.

''Oh ikon Allah wai yau nice cikin wannan daular?''

Sai da na shiga bedrooms d'innan duka wai zab'en wanda zan kwana a ciki, duk shegen tsoron da nakeji haka nayi kwanciyata bayan nayi sallar godiya ga Allah tare da tarin addu'a wadda har sai da narasa mema zance.

*****

Zaku yi matukar mamakin yanda na tashi domin sai mutum ya rantse bani bace jiya aka kawo ina ta koke-koke ba. Tunda nayi sallah da asuba ban koma ba to dama ban saba komawa d'inba, saina d'ora da karatun alkur'ani mai girma har sai da gari ya waye sannan na jiye tare da nad'e sallayar da hijab din jikina na gyare d'akin tsab na saka turaren da nagani birjik a saman madubi sannan na koma parlour, nan ma sai da na share na kakkabe na goge sannan na shiga kitchen ina tunanin mai zan dafa musamman dana lek'a store d'in na ganshi shake da kayan cima kala-kala ammafa duk na 'yan gayu ne.

Ruwan tea na dafa sai kwai dana soya saina d'auki biredi na koma can wani d'an keb'antaccen waje da aka malaleshi da wani kafet mai kyawun gaske dama an tanaji wajen ne domin cin abinci kamar yadda Abba ya gaya min jiya.

Shigewa bedroom nayi, wanka nsyi sannan na gyara jikina hoda kawai na shafa amma ko kwalli ban saba, danni dama kwalliya bawai damuna tayi ba.

Karfe goma da wasu mintina na gama karyawa sai lokacin naji an kwankwasamin kofa. Mayafi na d'ora saman doguwar rigar dake jikina na nufi k'ofar. Kallon sama da kasa tayi min kafin tace.

"Kece amaryar?''

A kunyace na d'aga kaina ba tare dana bari mun kuma had'a ido ba, domin ban san wacece ita ba sannan na lura daga ganin kallon da take yi min inaga banyi mita ba.

Zama tayi bayan na gaisheta taci gaba da karewa falon kallo tana yatsina fuska. Lallaikam alhaji ashe uban kud'i ya kashema wajennan shi yasa ya hanamu mu shigo ko gani muyi lallai ma.

"Sunana hajiya Saude nice uwar gidan Alhaji ina yi miki barka da shigowa wannan gidan, sannan ina yi miki jaje na auran mahaukaci da kika yi.''

Binta nayi da kallo yayin da zuciyata taci gaba da wani irin bugu ban san lokacin da ta karasa ficewaba, sabida tunanin da yasha kaina. Ina nan jigum dani duk wani karfin gwiwa ta ya gudu, saiga Abba ya shigo bansan lokacin da na mike na nufeshi ba sabida fargaba.

Ganin yanda na taso cike da damuwa yasa shi jin jikinshi yayi sanyi domin ba haka yaso ba, yaso ya taddani cikin walwala. Zama yayi ni kuma na zauna wajan k'afafunshi ina gaida shi tun kafin ya gama amsawa na d'ora da tambayarshi.

''Abba wai mahaukaci nake aure?'' Idanunshi ya rantse kamin ya kalleni.

"Ki kwantar da hankalinki Rumana yanzu zan baki labarin komai, amma ina so dan Allah kiyi min uzuri tare dajin tausayina kadda kiyi fishi sannan kadda kik'i yadda da kaddara kinji ko?''

Idona harya cika da hawaye na san shikenan tawa ta kare daga yanda yake maganar nan na san cewa gaskiya matar nan ta fad'a.

"Kamar yadda kika sani sunana Alhaji Yusuf ni haifaffen garin bakori ne amma bayan na gama karatuna saina koma garin katsina na cigaba da aiki. Nafara aiki da shekara biyu mahaifina ya rasu dama kuma mun dad'e da rasa mahaifiyarmu domin ta rasu ne tun bani da wayau. Dagani sai yayana Alhaji Yahaya iyayen mu suka haifa amma muna da dangi sosai babu laifi. Bayan rasuwar baban mu sai yayana ya tilastamin yin aure sabida yace shi dai hankalin shi be kwantaba da in zauna jiran sai nayi gidana na kaina, nufinshi na kawota nan bakori kamin na mallaki muhalli a nan katsinan. Saudatu itace matata ta farko kanwar wani abokina ce da mukayi karatu tare, na aureta tun bata gama mallakar hankalin kantaba, sai dai tunda na aureta ko b'atan wata bata tab'a yi ba, tsawon shekara shida sai yayana yace na kuma yin wani auren,

''Saina nemi auran Saratu nan da nan aka bani domin alokacin ina da muhallina a cikin katsina sannan ina da kudina danni ban yarda da aikin gwamnatiba kawai, ina had'awa da kasuwancina. Itama Saratu duk hakan take domin shekara hudu itama shiru ba haihuwa sai hankalina ya fara tashi sabida tuni na fara tunanin matsalar daga jikina take kila nine bana haihuwar gashi zullumi ya hanani zuwa ganin likita sabida ina jin tsoron abinda za'a ce min,

''Ban hakura ba saina auri Bilkisu itama dai shiru, banyi niyyar yin wani auren ba daga mata uku din nan sai dai a ranar danaga Fatima naji idan ban aure ta ba har mutuwa zan iyayi, Nasha wahala sosai kafin na samu iyayenta subani ita domin sunce baza suba me mata har uku 'yarsu ba haka kawai aje a nakasa musu yarinya tunda yanzu ba wani tsoron Allah ake jiba. Amma na jajirce na like har sai da suka gamsu da kalar son da nake mata sannan suka amince min na aureta. Matana sun nuna b'acin ransu sosai da wannan auran musamman da suka ganta yarinya ce sosai kuma a lokacin duk ta fisu ilmin addini dana boko.''

Numfasawa yayi kafin yaci gaba, nima zamana na gyara tare da kuma bud'e kunnuwana domin na fahimce sosai yaci gaba da cewa.

"Ina son Fatima sosai domin tana da matukar tarbiyya a zaman da muka yi bazan ce ga ranar da ta sab'a min ba, saima nine wani lokacin idan aka kawo zugarta tai kaza zanyi mata fad'a koda batai laifin ba. Kwatsam sai Fatima ta fara laulayi bayan watanni takwas da auren mu. Babu wanda ya kawo mata cewa ciki ne domin ni a lokacin na riga na saddak'ar da cewa lallai bana haihuwa. Tsabar sa ido na hajiya Saude yasa ta fahimci akwai matsala domin ni dai ban sani ba wata rana ina kwance cikin d'akina sai gata ta shigo, zama tayi kusa dani tace.

''Alhaji wai kakai matar ka asibiti kuwa?'' Ba tare da na bata wata kulawa ba nace.

''Ban kai taba amma tace min ita taje.''

"To katashi kaje ka bincika idan ba haka ba kakusa d'aukar shege a hannunka tunda kowa yasan baka haihuwa ita kuma ai laulayi take yi.''

Ban san lokacin da nakai d'akin Fatima ba a lokacin, aikuwa saina tarar da ita tana ta amai duk ta galabaita, ban yadda cewa Fatima zata iya cin amanata ba domin koda na aureta budurwa na sameta sannan suna da duki ya dai-dai bakin gwargwado bare nace kwadayi zaisa tayi min haka. Da kaina na taya ta tagyra jikinta sannan nace muje asibiti. Likita ne ya tabbatar min da cewa ciki ne da ita na wata uku.

A wannan lokacin rasa abinda zanyi nayi shin farin ciki zanyi ko kuwa bakin ciki. Yayinda ita Fatiman naji ta saka ihu harda birgima ita wallahi ba ta son cikin ya za'ai ace duk cikin matana babu wacce naiwa ciki sai ita, ita wallahi sai dai azubar dashi. Na shiga tashin hankalin jin kalamanta wanda yasani fallamata mari sai dai kuma tana kukan najawota jikina na rungume sabida tunanin da gaskiyarta fa kuma dole ta shiga damuwa.

Bayani naima likitan tun daga farko har karshe yayi min tambayoyi sannan yace zai min awo. Gado aka bata domin ta huta nikuma a lokacin naga likita, sai dai iyakar binciken su sun gaya min cewa iyakar kwan haihuwata guda d'aya ne kacal kuma na fitar dashi akan Fatima.

Kusan ban yadda da maganar su ba saina shirya mana tafiya nida Fatima a wannan lokacin zuwa India, nanma maganar d'aya ce domin har cikin Fatima sai da suka bincika min cewar lallai cikin nawa ne kumama namiji ne jinana ne. Saudiyya muka wuce nan ma saida suka gama binciken su amma duk maganar d'aya ce dan haka anan na zauna nayi addu'a-nayi addu'a tare da nuna godiya ta ga Allah. A lokacin jinake babu abinda nake kauna sama da Fatima da abinda ke cikinta.

Matana sune suka fara sheganta min yaro sabida suna ganin aisu basu haihu ba sun manta cewa Allah shine mai tsara komai kuma a sanda yaso. Sai da mukai masifa dasu harma nayiwa Bilkisu saki d'aya sannan suka saduda suka bari alokacin ne nayi musu bayanin duk abinda ke faruwa tare da musu bayanan da likita yayi min a lokacinma harna basu zabi cewa duk wacce ke bukatar haihuwa to tayi min magana na sallameta sabida kadda na shiga hakkin su. Amma sai suka nuna zasu ci gaba da zama dani.

A lokacin da aka haifi Haidar kowa sai ya kara tabbatarwa da cewa lallai yaron jinina ne domin beyi kama da maman shi ba dani yayi kama kamar nayi kaki sai dai ya dauko farar fatar mamarshi domin tafini fari nesa ba kusa ba. Nasami haihuwa Ruma a lokacin da na fidda rai da samu shi yasa nayi shagali iyakar shagali sannan na saki kudi sosai aka yi taron suna.

To nidai bazance ga abinda ya dinga faruwa ba a tasowar Haidar sai dai dole tasa na kai Fatima wani gidana sabida a lokacin tace in dai ban raba musu gida ba to wallahi gidan su zata tafi, gashi nayi-nayi ta gaya min menene matsalar amma taki, dole na kaita wani k'aramin gidana. A nan Haidar ya taso ba sai nace komai ba akan kulawar da yake samu sabida ban had'a sonshi da komai ba. Shekaran shi goma na fitar dashi waje karatu, sai dai dawowar shi ne mummunar kaddarar nan ta afku.''

*MAMAN KHADY*🙇🏻‍♀

💞💞💞 *RUMANA* 💞💞💞

*MAMAN KHADY*🙇🏻‍♀

(Mk)

*HASKE WRITER'S ASSOCIATION*💡

(Home of expert and perfect writer's)

Page 8

A can bangaren alhaji Yusuf kuwa

ya tada wani lafiyayyan gini abimka ga masu naira, Sosai ya tsauna dukiya a wajen, abinda ya kuma tashin hankalin matan gidan musamman da suka ga ya fita hanyarsu shi dai abinda ke gaban shi kawai yake yi.